Mauaji ya kimbari ya Israel huko Gaza yamekomesha rasmi mazungumzo ya maelewano

TEHRAN (IQNA) - Kufuatia mauaji ya hivi sasa yanayofanywa na utawala wa Kizayuni wa Israel katika Ukanda wa Gaza, hakutakuwa na nafasi kwa ulimwengu wa Kiislamu kutegemea mazungumzo ya makubaliano na utawala huo, mwanazuoni mmoja wa Kiislamu amesema.

Katika makala alioandikia  IQNA, Hujjatul Islam Mohammad Mehdi Imanipour, Mkuu wa Jumuiya ya Utamaduni na Mahusiano ya Kiislamu (ICRO), aliandika kwamba mauaji ya Israel dhidi ya Wapalestina wasio na hatia huko Gaza yalifuta kisingizio chochote cha kuegemea mazungumzo hayo ya makubaliano.

Ameashiria nukta kumi zilizopendekezwa na Rais Ebrahim Raeisi wa Iran katika kikao cha wiki iliyopita cha Jumuiya ya Ushirikiano wa Kiislamu (OIC) na Jumuiya ya Nchi za Kiarabu mjini Riyadh, akiangazia hasira za  madola ya  Magharibi na utawala wa Kizayuni Kizayuni kutokana na mapendekezo hayo.

Amebainisha kuwa, Rais wa Iran ametaja kukosekana utambulisho, kutokuwa na azma ya kuchukua maamuzi na udhaifu kuwa ndio vikwazo vikuu vya utatuzi wa hali ya sasa ya Palestina na Ukanda wa Gaza.

Ukweli ni kwamba mchanganyiko wa mambo haya matatu umekuwa mwelekeo na mfano wa wazi katika milinganyo ya kitamaduni, kimataifa na kisiasa ya nchi kama matokeo ya majaribio ya vikundi vya kupinga upinzani, Hujjatul Islam Imanipour alisema.

Hata hivyo, kutokana na vita vya hivi sasa dhidi ya Gaza, mataifa ya dunia sasa hayakubali kupotoshwa na taswira rasmi ya Magharibi kuhusu mgogoro wa Palestina, alisema.

Chini ya hali kama hiyo, serikali ambazo haichukui hatua zinahitaji kufikia "uamuzi wa kihistoria" juu ya suala la Palestina, alisisitiza.

Mkuu wa ICRO aliongeza kuwa uamuzi huu wa kihistoria una mahitaji, muhimu zaidi ambayo ni kutambua haki ya Wapalestina ya kurejea katika nchi yao mama.

Moja ya sababu kuu zinazofanya wananchi katika eneo kuchukia mazungumzo ya makubaliano na utawala wa Israel ni kwamba unakandamiza haki halali ya Wapalestina, aliendelea kusema.

 Hujjatul Islam Imanipour ameongeza kuwa, stratijia za muda mfupi, za kati na za muda mrefu zilizopendekezwa na Rais wa Iran kwa ajili ya kutatua mgogoro wa Gaza na Palestina zinaashiria juhudi za Jamhuri ya Kiislamu ya kubadilisha mitazamo na stratijia ya wachezaji wa eneo. kuhusu mgogoro huu.

Amesisitiza kuwa mustakbali wa maendeleo ya Palestina, eneo na uga wa kimataifa uko wazi kwani hakuna nafasi tena ya kuegemea mazungumzo ya mapatano katika ulimwengu wa Kiislamu.

3486012