An saki dan wani kusa a kungiyar Hamas daga gidan kason Saudiyya
Kamfanin dillancin labaran Anatolia ya habarta cewa, Saudiyya ta saki Hani al-Khizri dan Mohammad al-Khizri, jigo a kungiyar gwagwarmayar Musulunci ta Hamas kuma tsohon wakilin wannan yunkuri na birnin Riyadh.
Wannan matakin na Saudiyya ya faru ne bayan wata tawagar manyan shugabannin Hamas karkashin jagorancin Ismail Haniyeh shugaban ofishin siyasa na kungiyar ta ziyarci kasar a makon jiya.
Abdul Majid dan uwan Muhammad al-Khizri ya ruwaito cewa Saudiyya ta saki Hani al-Khizri kuma ya shiga kasar ne domin tare da iyalansa a Amman babban birnin kasar Jordan.
A watan Satumban 2019, Saudiyya ta kama Mohammad Al-Khazri da dansa Hani, tare da wasu Falasdinawa da dama wadanda ke da takardar zama dan kasar Jordan.
A watan Agustan 2021, Kotun hukunta manyan laifuka ta Saudiyya ta yanke wa Mohammad Al-Khazari hukuncin daurin shekaru 15 a gidan yari, amma an sake shi a watan Oktoban da ya gabata ya tafi Jordan.
Dangane da haka, Khizr al-Mashaikh, shugaban kwamitin kula da fursunonin Palasdinawa da na Jordan a gidajen yarin Saudiyya, ya yi maraba da matakin sakin Hani al-Khizri tare da bayyana fatan ganin kokarin kungiyar Hamas da budewar da aka yi a baya-bayan nan. Tafiyar da jagororin wannan yunkuri suka yi zuwa kasar Saudiyya a karshen watan Ramadan ya kai ga kawar da duk wani cikas da ke tsakanin bangarorin biyu.
Ya jaddada cewa: Muna fatan mahukuntan kasar Saudiyya za su ba da umarnin yin afuwa ga daukacin fursunonin Falasdinu da na Jordan a kasar ta Saudiyya, ta haka ne za su nuna goyon bayansu ga tsayin daka.
