ایکنا د العربیه نیوز ۲۴ ویب پاڼې په حواله خبر ورکوي، چې د تحقیقاتو د کمېټې مشر نیکولاس کومجیان په جینیوا کې په یوه خبري کنفرانس کې وویل: داسې شواهد راټول شوي چې د میانمار چارواکي او همدارنګه هغه کسان تورنوي چې د روهینګیايي مسلمانانو پر وړاندې د جرمونو د ترسره کولو امر یې کړی دی."
ده ټینګار وکړ: شته شواهد به د هغو قضایي چارواکو د محاکمې لپاره چې تر څارنې لاندې دي، ګټور وي.
د تحقیقاتي کميټې مشر زیاته کړه: دغه راپور له ۷۰۰ سرچینو، عیني شاهدانو، انځورونو، ویډیوګانو، اسنادو، نقشو، جغرافیایي انځورونو او عدلي شواهدو څخه راټول شوی دی.
هغه دې ته اشاره وکړه: دا مسله ښیي چې د نړیوال عدالت تحقق ممکن ډېر وخت ونیسي، خو بریالیتوبونه به تر لاسه کړي.
نیکولاس کومجیان همداراز وویل: له کودتا وروسته د جنایتونو د ثابتولو اصلي ننګونه، قربانیانو او شاهدانو ته رسېدل دي، ځکه چې د میانمار چارواکو هېڅ ډول همکاری نه ده کړې.
هغه ټینګار وکړ: ثبت شوي شهادتونه او مستند معلومات د نړیوالو قوانینو مطابق دي او د روهینګیايي مسلمانانو د حقوقو خلاف ورزی په ګوته کوي.