د کشمیر غلام محمدبټ،د استقامت شاعر یا مدهوش لیونی

تهران (ایکنا) – غلام محمد بټ، د استقامت شاعر او دکشمیر هغه مرثیه ویونکی شاعر دی ، چې د هندي جنایتکارو پوځیانو په لاس ئې  د کور په سوځیدا سره ئې  خپل  سوځیدلی کور  په شعرونو کې جنت بللی دی  .

ایکناخبری آژانس  له کشمیره رابور راکړ ، غلام محمد بټ  په ۱۹۶۶کال کې زیږیدلی  چې د خپلو شعرونو او استقامت  په دلیل وروسته وروسته  د مدهوش لیوني   په مستعار نامې سره مشهور شوی  او د کشمیر  سیمې یو وتلی شاعر  دی . هغه د شعرونو وئيل  دخپل مور پلار له مړینې وروسته پیل کړل او ډير زر  ئې طبیعي ، معنوي او سیاسی مضمونونو ته مخه  کړه . هغه په تیره بیا  دهغو مرثیّو او غزلو  د وئیلو په خاطر  چې په کشمیر کې د هندي حکومت او پوځ د مخالفانو د جنازې د دستورو لپاره وئيلي دي ،ډیر مشهور  دی . 

د ۲۰۱۸کال د مارچ په پنځلسمه نیټه ، د استقامت دغه مدهوش لیوني شاعر خپل  کور او د خپل درست عمر وئیل شوي شعرونه چې په کابو اتو سوه پاڼو لیکل شوي وو ،د هندي عسکرو او  کشمیري مبارزانو ترمینځ په  نښتو کې په اور کې سوځیدلي ولیدل . دهغه دغه کور دهغه پلار په ۱۹۶۷ کال کې جوړ کړی ؤ ، خو دهندي ظالمو پوځیانو سره  د کشمیري مبارزانو ترمینځ  په یوې نښتې کې د هندي پوځیانو په لاس وسوځول شو .
وئيل کیږي ،د مدهوش سوځيدلي شعرونه  که چاپ شوي وائ نو شپږ ټوکه به وو ،خو ددغو شعرونو یوازې په پنځو کې یوه برخه شعرونه چې  لیکل شوي پاڼې ئې   د نزدې دوستو شاعرانو سره وو، دارزونې وړ دي .

غلام محمد بټ  دخپل  کور ،شعرونو او  کتابتون  له لاسه ورکول د خپل جنت  له لاسه ورکول  ګڼي  چې  دهغه  پر روح  او ژوند باندې ستر ټپونه  رامینځةکړي دي . په عین حال کې  هغه توانیدلی دی ، دځاي خلکو  او دوستانو په مرستې سره  د ځان لپاره یو واړوکی نوی کور جوړ کړي .
https://iqna.ir/fa/news/4019288