Dua müasir mənasız həyata məna qatır
Dinlər üzrə Ali Təhsil Kompleksinin elmi heyətinin üzvü Səid Xəliloviç, İranın Quran Xəbər Agentliyinə (İQNA) verdiyi müsahibədə mənəviyyat və müasir insan arasındakı əlaqədən danışıb ki, onu mətni belədir:
Müasir insanın ən böyük problemi aramlığının olmamasıdır. Şübhə yoxdur ki, müasir insan aramlıq və təhlükəsiz sahil axtarır. Ancaq problem aramlığı haradan tapmaqdır. Başqa sözlə, bu təhlükəsiz sahil haradadır?
Müasir insanın mənəviyyata qayıdışı müasir insandan tələb etdiyimiz şey deyil. Müasir insanlar materialist məktəblərin yolunu keçdikdən sonra başa düşdülər ki, materialist məktəblər onlara əsl aramlığı verə bilməz. Onların nisbi aramlığı müvəqqəti olub.
Bəşəriyyət bu gün mənəviyyata qayıdış yolundadır. Ona görə də, onu dəvət etməyə ehtiyac yoxdur. Çünki özünə qayıdış müasir dünyada formalaşmışdır. Burada sual yaranır ki, əgər bu insan mənəvi ənənəyə doğru irəliləyibsə, onda hansı ənənə bu aramlığı gətirə bilər?
Şübhəsiz ki, Uzaq Şərqin mənəvi ənənələri və ya yeni yaranan mənəviyyatlar və ya yeni mənəvi ənənələr bu sülhü yeni bəşəriyyətə gətirə bilməz. Əksinə, Allahın razılığının mövcud olduğu və kainatın Yaradıcısına duada təzahür edən həqiqi Haqqani baxış dünya həyatına başqa bir forma verə bilər. Bu, İslam adlanan kamil bir baxışdır.
İslamın əsl təbliğatçılarının bu gün etməli olduqları şey odur ki, o çağdaş insan həyatındakı boşluqları dərk etdikdən və həll yolu axtardıqdan sonra, bu halda onlara xalis İslam ənənəsini tanıtmaq lazımdır. İslam ənənəsi hər bir insan səviyyəsi üçün təlimləri olan bir ənənədir.
Biz bu pak mənəvi ənənəni dəqiq şəkildə təqdim etməliyik. Onun zəngin irsi Səhifeyi-Səccadiyyə və Qurani-Kərimdə öz əksini tapmış ənənədir. Bu ənənə və bu ülvi irs geniş miqyasda tanıdılmamışdır. Onun düzgün tanıtımı ilə bəşəriyyət, şübhəsiz ki, bu gün itirdiyi aramlığı tapacaq.
Əgər "Kumeyl" duası müasir insana düzgün tərcüməsi və münasib izahı ilə təqdim edilərsə, bu gün insan şübhəsiz ki, bu istiqamətə gedəcəkdir. O, bu dualardan ən yaxşı şəkildə istifadə edəcək. Həmçinin onun nəticəsində öz aramlığını əldə edəcək. Elə ki, bu aramlığı qeyri dini məktəblərin heç birində tapmamışdı.
2113131
